Schef dal Departament federal per ambient, traffic, energia e communicaziun (DATEC)
Albert Röstì è vegnì elegì en il Cussegl federal ils 7 da december 2022. El è docter da scienzas tecnicas ed inschigner agronom. A Berna ed a Rochester NY ha el absolvì in MBA. Avant sia elecziun en il Cussegl federal è el stà possessur d'ina interpresa ch'è activa en ils secturs dals affars publics e da la gestiun da projects. Dal 2007 fin il 2013 è el stà directur dals Producents Svizzers da Latg. Durant il onns precedents ha el lavurà en differentas funcziuns per il chantun Berna, dal 2003 fin il 2006 sco secretari general dal Departament d'economia publica dal chantun Berna. En il decurs dals onns ha el occupà differents mandats da federaziuns e d'associaziuns.
L'onn 2011 è Albert Rösti vegnì elegì en il Parlament federal. Durant 11 onns è el tranter auter stà commember da la Cumissiun per ambient, planisaziun dal territori ed energia ed ha presidià l'onn 2022 la Cumissiun per segirezza sociala dal Cussegl naziunal. Dal 2016 fin il 2019 è el stà president da la Partida populara svizra PPS.
Albert Rösti è maridà ed ha dus uffants creschids. El è naschì ils 7 d'avust 1967 a Frutigen ed è burgais da Frutigen.
